هكذا الدنيا

مالك؟؟

زعلان شوية

مش طايق نفسك

مضايق

طهقان

زهقان

أنت عارف إن مش أنت الوحيد اللي كده
لو سألت صاحبك حيقولك نفس الكلام
لو سألت أي حد اليومين دول حيقول نفس الكلام

طيب تفتكر ايه السبب

الدنيا بقت وحشة أوي ومتعبة أوي .. مش كده

أنت مبقتش مستحملها

بالنسبة لشغلك ..فإحتمال تبقى عاطل بين يوم وليلة

وصحتك.. هي مش قد كده عمالة تنزل يوم بعد يوم

بقيت عصبي أوي

عاوز تحب وتتحب ومش عارف

بقيت بتشوف ناس كتير صغيرة في السن وبتموت

مش عارف تتوافق مع أهلك وعلى طول في خلافات مستمرة

عندك إحساس إنهم في عالم وإنت في عالم تاني

انت كويس بس مش عارف ليه دايما بيطلع الوحش منك

النهاردة زعقت لأمك وقلت مش قصدي

يمكن كمان كلمت باباك بلهجة مش ولابد

انت خايف بس خايف على نفسك وبس

مش مهم أي حاجة تانية

بقيت بتقول نفسي نفسي

بتحب تقعد لوحدك أكتر مش كده

يااااااااااااه.. قد إيه الدنيا متعبة

طيب شوف الآية الكريمة بتقول إيه " ولقد خلقنا الإنسان في كبد" ... يعني طول عمرك حتفضل شقيان في الدنيا .. حتيجي ليك لحظات رضا مش سعادة لأني مؤمنة إني السعادة موجودة في الجنه هناك وبس وكل الحاجات اللي نفسك فيها زي الراحة مثلا

تلاقيك بتكلم نفسك وتقول بس أنا نسيت الجنه

أنا أخدتني المشاكل

ونسيت كمان ربنا

مكسوف وانت بتقولها

بس يمكن أخدتك الدنيا

مع أنه هو اللي في إيده يحل كل مشاكلك

شوف الآيه دي "فقلت استغفروا ربكم إنه كان غفاراً يرسل السماء عليكم مدرَاراً ويمددكم بأموال وبنين ويجعل لكم جنات ويجعل لكم انهاراً"

مجرد تقول استغفر الله العظيم وليها مفعول السحر

أكيد بتقول أنا بستغفر ومش بيحصل حاجة

يمكن انت عارف ان في جنه

وعارف ان في ربنا

وعارف ان في استغفار

وعارف ان في قرآن

بس يمكن ناقصك شوية إيمان

شوية ثقة

شوية صبر

ناقصك الحاجات دي تكون جوه قلبك

بتدعي وبردوا خايف

بتستغفر وانت مش عارف

بتقول يارب ومش عارف اذا كان قبل ولا لأ

تيجوا نكون الثقة دي بجد

هي مش حتكون بين يوم وليلة

بس اللي وصلني للشركة دي

واللي كرمني بالبيت ده

واللي إداني الرزق ده

هو الواحد .. هو ربي

هو اللي حيطمني

وحيكرمني

بس في نفس الوقت حيختبرني

علشان يشوف قوة إيماني

وأنا لازم أنجح في الأمتحان

علشان أنا بحبه

انا جت عليه فترة قبل لما تسرقني الدنيا كنت بحب الدعاء أوي أكتر من اي حاجة .. جرب وانت حتشوف أحسن نتيجة

وختاما

اللهم أجعل الدنيا في أيدينا وليست في قلوبنا
اللهم أجعلنا من القربين منك
اللهم أرزقنا الجنه وأبعدنا عن النار
اللهم أرحمنا وأرزقنا القوة فإنا ضعاف


وأخيرا كن في قرب الله يكفيك.. يكفيك

:)

ليكم وحشة

وحشتوني

طبعا حتقولوا إزيك

فينك

الناس اللي بتحبني حتقول وحشتينا

الناس اللي بالي بالكم حتقول انت لسة مش موتي

بالنسبة لإزيك حقولكم الإجابة المعهودة : مش عارفة

أما بالنسبة لفينك فحقول إجابة عامة لاتسمن ولاتغني من جوع : في الدنيا

بالنسبة لوحشتينا : وأنتوا والله أكتر

وأخيرا بالنسبة لسه مش موتي : والله الأعمار بيد الله

سيبنا بقى من الأسئلة ونخش في موضوعنا إلا هو ايه موضوعنا

عارفين كان على بالي ونسيت

بقيت بنسى بسرعة أوي

في الشغل وفي البيت بقى اسمي راما زهايمر

مدام نسيت يبقى

انا بقول يبقى تمشي

مين الدخلاء اللي بقوا بيدخلوا على المدونة الفترة الأخيرة

بقول مدام نسيت حبقى حقولكم كل سنة وأنتم طيبين بمناسبة المولد النبوي الشريف

كان نفسي أرجع بحاجة مختلفة بس وعد لو أفتكرت حكتبها أو أكتب فكرة تانية مش مشكلة

وبوصيكم كالعادة بالدعاء

ملحوظة : الصورة مالهاش علاقة بالمدونة بس عجبتني وفيها روقان بال نفسنا فيه

بجد وحشتوني :)

دايما أول فرحتنا

منى
مروة
ياسمين
يارا
مي

منى ومي ومروة أخوات
وياسمين ويارا أخوات
والخمسة عايشين في بيت واحد

منى كانت أكبرنا وهي اللي بدأت كل حاجة
أول بنت شرفت في العائلة كانت هي
أول واحدة دخلت المدرسة كانت هي
ومن وراها الأربع بنات بيسمعوا منها ويعرفوا وبعدين جربوا بنفسهم المدرسة

منى أول واحدة تدخل الثانوية العامة
واحنا من بعيد بنراقبها وبنتعلم منها

منى أول واحدة دخلت الجامعه
هي كانت الشباك اللي كنا بنطل منه على عالم الجامعة
قاعدة على السرير بليل في عز الشتاء .. تحكي واحنا بنسمع ونضحك ونسأل ونعرف
ونحقد عليها علشان بتلعب على الكمبيوتر في أول يوم جامعه مش محتاسة زينا

منى أول واحدة دق العريس باباها
نراقبه كلنا وهو جاي من أول الشارع
راقبنا نظافة جزمته
شوفناها وهي راجعه بورده في إيدها
نزلنا أشترينا معاها الفستان
وحضرنا فرحها ودخلنا بيتها
والنهاردة شوفنا أول حفيد لينا في العيله
سفرجل أو عمر
عمر هو الأسم اللي "ماما منى" اختارته علشانه
سفرجل هو الأسم اللي اختارته العائلة علشان مامته كانت على طول بتاكل سفرجل
وهو فعلا سفرجل
كتكوت ومقطقط في حجم السفرجل
لونه جميل زي السفرجل
وطعمه مسكر زي السفرجل
احساس جميل أوي لما بقيت خالتو راما
احساس حلو أوي لما تشوف أول مرة بيضحك فيها
أول مرة بيفتح فيها عينه
أول مرة بيقول فيها واء
ادعوا لسفرجل قصدي لعمر بالصحة والبركة والصلاح وطول العمر
:)

حائط المعبد

أحب الأقصر .. أذهب إليها من حين لآخر خصوصا في الشتاء .. أعشق معبادها... تماثيلها وحتى رائحتها .. اعشق كل شيء فيها

وفي صباح ذلك اليوم استقيظت مبكرا على غير عادتي .. وفكرة واحدة تلح علي .. أن أسافر للأقصر.. والآن

"ما هذا الجنون .. الأقصر .. الآن .. كيف ؟؟"

لا أعرف كيف رتبت حقيبتي الصغيرة وارديت ملابسي وتوجهت إلى محطة القطار
ولحسن حظي وجدت مكانا شاغرا لي في القطار

وسافرت

وصلت تقريبا وقد غابت الشمس

شعرت بنشوة بالغة .. كم أحب هذا المكان

ذهبت إلى فندق صغير عادة ما أحجز فيه كلما سافرت .. وعادة أنام في الغرفة ذاتها .. لاتتغير أبدا وكأنها مسكني الخاص هنا ، اتركه لفترة وأعود إليه لأجد كل شيء مرتب في مكانة والمكان نظيف بلا اي ذرة تراب

استلقيت على السرير محاولا النوم فانا تقريبا لم أنم غير ساعتين منذ ليلة أمس ولكني ظللت على سريري أفكر في لاشيء

تحركت لأفتح النافذة ونظرت للسماء وابتسمت حين رأيت القمر مكتملا أمامي
قررت ان أنزل وأسير قليلا بين معابد الأقصر تحت سماء تلك الليلة الصافية
ظللت أسير وسط المعابد .. أتأمل الجدران في الظلام.. اسمع صوت الصمت حينا وصوت خفقات قلبي حينا أخرى

تعبت من السير فارتكنت على أحد الجدران .. ألتقط أنفاسي وبينما أنا هكذا سمعت صوتا .. ركزت أنتباهي أكثر .. انه صوت شخص ما يخدش الحائط.. ترى من يفعل هذا الآن ولماذا؟

تحركت تجاة الصوت فوجدت فتاة تجلس على أرضية المعبد.. وتنحت بيدها على جدرانه .. تحركت تجاهها وتعمدت أن يكون صوت خطواتي مرتفعا ولكنها لم تلتف لي وكأنها لا تسمعني ولا تراني

الغريب فيها انها كانت ترتدي الزي الفرعوني وشعرها مصفف مثلهم تماما
هذا ليس مشهد سنيمائي بالتأكيد وإلا فأين الكاميرات والمخرج وفريق العمل .. هذه الفتاة مختلة عقليا .. هاربة من مستشفى للأمراض العقلية

- "هل أنت متأكد من هذا"

- "ما هذا .. من أين جاء هذا الصوت"

- "مني أنا .. الفتاة المختلة عقليا "

نظرت في خوف إليها وحينما حاولت أن أتحدث لم تتحرك شفتاي ولكن أفكاري سمعتها واضحة تقول : من أنت؟؟

الفتاة : أنا تي .. اسمي تي وأنت

أنا : اسلام

تي : اسم غريب .. يبدو ان الأسماء الفرعونية اختفت في زمنكم هذا

اسلام : ليس بالدرجة .. هي نادرة فقط .. ولكن أتريدي أن تقولي انك لست من هذا الزمن

التفت إلي لأول مرة وقالت بأفكارها : ماذا تظنني إذن ؟؟

اسلام : جميلة

تي : ماذا ؟؟

لا اعرف لماذا قلت هذا مباشرة ولكنها حقا كانت فتاة جميلة آثرة كقمر ليلتي تلك.. قلت لها : عذرا ولكني اشعر أنني أحلم .. هذا ليس حقيقي

تي : هذا شأنك إذن

اسلام : أنا فقط لم اقابل شيء كهذا من قبل .. ما قصتك ؟؟

تي : كما قلت لك اسمي تي .. الاميرة تي .. حباني الله بوجه جميل .. اعتبرة الكل نعمه من الله ولكني كنت أراها نقمة

اسلام : لماذا

تي : لانها السبب في عذابي طوال حياتي .. أحبني أمازيس ولكني لم أحبه و كان ملك جبار .. قتل الشخص الوحيد الذي أحببته بالسم .. وحبسني في قصره .. منعني عن الجميع .. عين لي جاريتين تخدماني .. كان يغار علي بشده حتى من نفسه .. لم أحتمل .. كانت لي جارية تحبني طلبت منها أن تحضر لي سما .. حتى أتخلص من حياتي تلك وحتى أموت بنفس الطريقة التي مات بها من أحب

اسلام : وكيف وصلت إلى هنا

تي : صدقني لا أعرف .. ما يحزنني انني وجدته أيضا ورائي هنا .. قتله أحدهم بسبب جبروته وبدلا من أن أقابل الشحص الوحيد الذي أحببته وجدته يطاردني هنا أيضا

اسلام : هل تظهرين للجميع ؟؟

تي : لا أفهم

اسلام : اقصد هل قابلك أحد غيري ؟؟

تي : قليلون ولكني لم أرتاح لأحد مثلك

ابتسمت ، أنا ايضا أرتحت لها ولوجهها الجميل .. وروحها الطيبة .. فجأة وجدت ملامحها تتبدل وظهر عليها علامات الفزع الشديد

اسلام : ما الأمر

تي في فزع : انه هنا

اسلام في توتر : من

تي : أمازيس .. هيا أهرب حالا قبل أن تصيبك لعنته
اسلام : لا لن ................1

وفجأة أختفى كل شيء حولي وسمعت صوتا يقول من بعيد : من هناك .. هل من أحد هنا

نظرت خلفي فوجدت شرطي ولكني لم أتبين ملامحه بسبب الظلام .. واقترب الشرطي وهو يقول : أنت .. هناك

لا أعرف لماذا هربت .. جريت بكل ما لدي من قوة حتى وجدت نفسي أمام الفندق .. هرولت إلى غرفتي وأغلقت الباب جيدا .. حتى نافذة الغرفة أغلقتها .. وألقيت نفسي على سريري وظلت ذكريات تلك الليلة تحاصرني حتى غلبني النوم

في صباح اليوم التالي قمت متأخرا كعادتي وكنت اشعر بارهاق شديد وذكريات ليلة أمس مازالت تحاصرني .. هل حقا قابلت إحدي ملكات الفراعنة أم أن كل هذا كان مجرد هلاوس بسبب قلة نومي .. قررت ألا أفكر في الموضوع مرة أخرى ولكني لم استطع وجدت نفسي أذهب مرة أخرى لنفس المعبد واتوجه لنفس الحائط التي كانت ترسم عليه الملكة أمس

وهناك وجدت مرشد مع مجموعه من السياح ووجدته يقول : هذا المعبد للملك أمازيس ودفنت فيه الملكة تي حبيبه أمازيس التي قتلت نفسها بالسم أما بالنسبة لهذا الوجه فلم يتعرف عليه أحد بعد .. ويعتقد البعض أن ذلك الرأس لجندي أو مزارع بسيط ولكن لم يتأكد ذلك بعد

رحل الجميع واقتربت من الحائط أنظر لذلك الوجه .. يبدو مألوفا لي بشده .. نعم أنا أعرف هذا الوجه

أنا أراه كل يوم في المرآه

الوجه الذي كان منحوتا على حائط المعبد .. هو وجهي .. وجهي أنا





تمت
مروة أشرف

لم تكتمل

هي : قصص الحب الجميلة لا تكتمل
هو : لماذا لا تكتمل؟
هي : لأنها عادة تأتي في غير موعدها
هو : كيف؟
هي: إما أن تأتي في وقت مبكر أو في وقت متاخر جدا

****************************************

- من برنامج الضيف الذي اذيع على راديو "إف إم" في رمضان

هو: إسامة منير

هي : الإذاعيه إيناس جوهر

وداعا لمياء

قبضت روحها وهي في الرابعه والعشرون من عمرها
اسمها لمياء
فتاة هادئة طيبة وبسيطة إلى أقصى حد
وكانت ترسم بيدها أجمل اللوحات
هاجمها المرض الخبيث وهي السنة الثالثة في الجامعه
كانت قوية وصبورة ومؤمنه
كانت صديقتي منذ الثانوية العامة
لم أتمكن من أن أراها كثيرا
ولا أن أقف بجوارها في مرضها كما ينبغي
ولكن يعلم الله كم كنت أحبها
ما يصبرني الآن على فراقها .. أنها توفت في أيام مباركة .. وعندي يقين بأن ربي قد غفر لها لأنها عانت كثيرا في مرضها
سبحانك ربنا.. هناك شخصيات ترحل عن هذه الدنيا سريعا وكأنها ما خلقت لها
جمعني الله بك في الجنه يا لمياء
ان كان لك صديق أو قريب مريض فأرفع سماعه التليفون وأسأل عنه الآن علك لا تستطيع ان تفعلها بعد ذلك
وأسألكم الدعاء لها بالمغفرة والرحمة ولأهلها بالصبر
وإنا لله وإنا إليه راجعون

هابي فانوس .. كلاكيت ثالث مرة

اليوم 25 شعبان .. المشهد الأول

فوانيس ومصابيح تظهر باستحياء على المباني والمنازل والمحلات

اليوم 26 شعبان ..  المشهد الثاني

أم تسير مع طفلها الذي يحمل الفانوس في فرح طفولي
الطفل وهو ينظر للفانوس في فرح : ايه ده يا ماما
أنا : الولد ده عبيط ولا ايه .. ده فانوس طبعا
الأم : ده يا حبيبي كرومبو .. كرمبو

تهافت ليس بكير على السوبر ماركت ومحلات الطعام وعلى الفوانيس

اليوم 27 شعبان .. المشهد الثالث

الشارع منور والزينة غطت السما

التلفزيون ينفجر بكمية غريبة من البرامج والإعلانات والمسلسلات
حديث الشارع : شوفتوا ده بيقولوا ان في أكتر من 100 مسلسل
أنا مش حتفرج غير على مسلسل أحمد عز
لا لا بتاع يسرا أحسن.. وإسأل مجرب من رمضان اللي فات
مش بوجي وطمطم رجع تاني
يلا نقاطع المسلسلات في رمضان
يلا نقاطع التلفزيون في رمضان

حركة الإستهلاك تكبر تكبر

اليوم 28 شعبان .. المشهد الرابع

الطريق لا يطاق .. مزدحم بشكل بشع ... حوادث متعدده .. اعتصام الأتوبيسات
حديث الشارع : ياترى الطريق حيكون عامل ايه في رمضان .. ربنا يستر

الشارع والمحلات زحمة أوي


اليوم 29 شعبان .. المشهد الخامس

ليلة الرؤية

مناقشة ساخنة حول كرومبو

هو : هما غلطوا لما روجو لكرمبوا في رمز ديني زي الفانوس
هي : لا وأنت الصادق ده رمز صيني

حديث الشارع : أنا لازم اشوف الرؤية مع أهلي
انا مش حعرف علشان الشغل
لازم نروح بدري الطريق حيكون زحمة
يارب رمضان يكون يوم السبت .. يارب

الطريق مزدحم جدا جدا .. ولكن البهجة تعم على الجميع

مفتى الجمهورية : وقد تأكد أن غدا .. هو المتمم لشهر شعبان وأن يوم السبت هو الأول من شهر رمضان .. وكل عام وأنتم بخير

اليوم 30 شعبان .. المشهد السادس

بكرة رمضان ... كل سنة وإنت طيب ياكرمبو

معلش كان لازم أقوله كل سنة وأنت طيب قبلكم .. أصله مكتسح الموسم الرمضاني السنة دي

هابي فانوس ليكو كلكو .. واللي مش عارف يعني ايه هابي فانوس بقوله : يعني كل سنة وأنتوا طيبين

إدعولي

بردوا عن رمضان

هابي فانوس
لماذا يبدو مختلفا؟
هابي فانوس.. كلاكيت تاني مرة

اسمها القسمة والنصيب

قصص وحكايات

عن الحب.. هي تحبة وهو لايرى ولكنه في النهاية سيري .. هو يحبها وبعد معناه يصل إليها ويتجوزها وتأتي النهاية دائما مشرقة بفستان أبيض جميل وبدله سوداء متأنقه

قصص وحكايات

عن الثروة.. رغم فقره ومعاناته إلا أنه سيصبح ثرى وستنتهي معاناته في النهاية ويأتي المشهد الأخير وهو في سيارة لا بأس بها وابتسامة راضية على كل ما وصل إليه


قصص وحكايات

تأتي بنهايات سعيده غالبا.. في فيلم تشاهده أو رواية تقرأها .. تعيش الأحداث وتنطلق مع الأبطال .. وتأتي النهاية غالبا كيف تريد فتبتسم لها في رضا وتشرد قليلا

تتسائل : لماذا لا أكون أنا الكاتب لرواية حياتي .. أو مخرج أحداث هذا الفيلم الذي اعيشه

لماذا لا أكتب قصة حبي كما أريد
وأكتب الوظيفة التي اعمل بها
وأمسح بيدي كل الأمور التي تؤرقني
وأختار النهاية التي أودها في أي حدث من أحداث حياتي
تختار أن تظل بعض اللحظات لفترة أطول
ولحظات أخرى تنهيها سريعا قبل أن تبدأ

ولكنك تفيق لترى أن حياتك في يد القدر .. وأنت مجرد قطعة يحركها كما يريد ... وتأتي النهايات دائما على غير ما تتوقع.. وتعيش دائما في خوف من القدر

وهذا وهم عاش فيه كثيرون

فالحقيقة

أن الرضا لم يعد له مكان في حياتك
ان الصبر قد أختفى .. أنت تريد كل شيء في وقت واحد .. تريد الحب والمال والعمل و... و... و... كله في وقت واحد والعجيب أنك تشترط السرعه
حقيقة انك دائما تنظر تحت قدميك
حقيقة اننا لم نحاول قط ان نفهم حياتنا بكل أحداثها الكبيرة منها والصغيرة

ولو حاولنا فقط حاولنا أن نفهما.. ستجد أنك لست لعبة في يد القدر كما تظن.. فالقدر يترك لك دائما مساخة الخيار .. اذا ركزت قليلا في أحداث حياتك ستدرك أن القرار دائما كان لك وحدك.. وحياتك هي مجموعة من تلك القرارت والباقي اسمه القسمة والنصيب

انت تساهم في كتابة رواية حياتك وتشارك في اخراجها أيضا

* أنت تستطيع ان تغير قدرك لأنك أنت من يصنعه ولكنك لا تستطيع أن تغير القدر الذي يحدث لك أو مايسمى القسمة والنصيب

*******************************************

* الجملة الأخيرة مستوحاه من فيلم 1000 مبروك

حدوتة تبدو عادية

قالت : يحكى أنه كان هناك أمير وسيم أخلاقه عاليه وابتسامته رائعه يعيش في قصر فسيح تحيطه الأشجار والازهار وكان للمكان رائحة مميزه خصوصا في الصباح

قال : وبعد

قالت : وكان للأمير صديقتان.. وهما في الأصل أختان

قال : وبعد

قالت : كانت إحداهما صارخة الجمال وتجذب أعين الرجال والأخرى فتاة عادية ولكن كانت روحها هي ما تميزها .. روحها كانت عذبة وقلبها كان حنون كما أنها كانت خفيفة الظل

قال: وبعد

قالت : أعجبت الفتاة العادية بالأمير ولكنها كانت تعلم أنه ليس لها.. كانت تقول أنه لن يلتفت إليها .. لن يحبها .. سيرى أختها صارخة الجمال ولن يراها.. فقررت أن لا تفكر في هذا الأمر مرة أخرى .. فالامير صديق وفقط

قال : أتعلمين ماذا حدث بعد ذلك؟؟

قالت : ماذا

قال : أحب الأمير الفتاة العادية .. أحبها وبشده .. وقرر الزواج بها .. وعاش الأمير في سعادة وهناء مع الفتاة العادية ذات الروح الآثره

ابتسمت في دلال وقالت : لماذا اخترت هذه النهاية لقصتي ؟؟

صمت قليلا ثم قال : لم تكن صارخة الجمال.. لكنه أحبها لأنه قرر أن يراها

ملحوظة :-1

الحدوتة من وحي حوار بيني وبين صديقتي الاكثر من رائعة سمية

صديقتي الجميلة سمية أهدي لك هذه الحكاية .. وشكرا على كل شيء

نكهة الحياة

هي الحياة كده ليها بقى ليها لون تاني

لا لا .. مش اللون البمبي اللي شافته سعاد حسني لم قابلت فارسها الوسيم

أنا دلوقتي شايفة الحياة باللون الأزرق

لون جميل مش كده

لا هو مش جميل على فكرة

عارفين اللون ده جه إزاي

كمية لا بأس بها من اللكمات المتتالية خلت الدنيا بقى لونها أزرق ولسة

يمكن تتلون باللون الأسود أو الأحمر

أما بالنسبة للبمبي فهو موضة قديمة

والأبيض إنقرض خلاص

ده بالنسبة للون

أما النكهة

إممممممممم

الحياة بقت كوسة ... قديمة على فكرة

الحياة يا جماعه بقت عبارة عن بيتزا حجم كبير مشكلة

طبق كشري المشير

بطاطس مهروسة بضمير

الحياة بقت خلطبيتة بالصلصى

أصل أنت مش انت

وهما مش هما

والصح بقى غلط

والغلط بقى صح

لا لا مافيش غلط ومافيش صح

الحياة نسبية

أو على رأي صديقي الصغير زيزو الحياة قاسية

ولا ايه

حد فاهم حاجة

طيب ... هو في ايه ؟؟؟