followers

إجمالي مرات مشاهدة الصفحة

الخميس، 13 سبتمبر، 2007

هابي فانوس



أخيررررررررررررررررا... هاتوا الفوانيس يا أولاد هاتوا الفوانيس حنزف عريس يا أولاد حنزف عريس.. حيكون فرحه ثلاثين ليله .. ثلاثين ليلة.. حنغني ونعمل هوليله .. أه هوليله.. النهاردة واحد رمضان .. أنا مش مصدقة نفسي .. وفرحانة أوي جدا خالص موت .. حبيت بس أقولكم هابي فانوس يعني بالعربي كل سنة وأنتم طيبين وبألف خير وحبيت كمان أوصيكم وأوصي نفسي أولا ، إننا نغتم الأيام دي ونبذل فيها أقصى ما عندنا ورمضان كريم



هناك 15 تعليقًا:

غير معرف يقول...

هابى فانوس
وأنت طيبة
وربنا يجعل من الناس المغفور والمرضى عندهم فى رمضان وتكوني من أصحاب الجنه
ويكون رمضان ده أفضل رمضان مر عليكي

عادل

marwa salah يقول...

كل سنة وانتى طيبة يا راما وتقبل الله منا ومنكم صالح الأعمال
وبعدين لا مؤاخذاة فى الكلمة هو هابى فانوس مش يعنى فانوس سعيد :p

احمد رفعت يقول...

هابى فانوس على أجدع راما ..

المهم شكل موضوع الذرة في رمضان ديه هتبقى سمتي :))

كل فانوس وانت منورة :)

حنان يقول...

هوليلة
:)
آه يا مشاغبة...أصلكو عيال وفيكو صحة ما شاء الله والله أكبر اعملو هوليلة بشويش عشان العواجيز الي عندهم صداع
:)
يا رب يديم عليك أشراقة نفسك وبراءة مشاعرك ويفرح قلبك على طول وكلام في سرك أنا برضو بحب الهوليلة

الحلم العربي يقول...

هابي فانوس
و كل سنة و انتى طيبة
و كل رمضان و انت إلى الله أقرب
ربنا يجعله رمضان خير و فتح للأمة كلها ...و اوصيكى و اوصي نفسي باغتنام الفرصة
و نتقابل في التراويح إن شاء الله
تحياتي لك يا قمر و ما تعمليش هيصة أوي علشان بابا ما يزعقش
ههههههههه

RAMA يقول...

عادل

اللهم أمين على الدعاء.. ويارب رمضان يكون أحسن رمضان لينا كلنا

happy fanoos to u too

RAMA يقول...

marwa salah

أهلا اهلا يامروة دي أول مرة ليكي عندي .. وانت طيبة وبصحة وسلامة وربنا يتقبل مننا جميعا

وهابي فانوس في قاموسي اللغوي معاناها كل سنة وأنت طيبة بمناسبة رمضان ... ودي حكاية طويلة حبقى أقولها ليكي بعدين

تحياتي

RAMA يقول...

احمد رفعت

وانت هابي يا فندم " يعني وانت طيب "... وخالي بالك من الدرة لحسن دي بتودي في داهية إسال مجرب

حلو اوي كل فانوس وأنت منورة دي.. جديدة عليه :D ... أوعى تنسى الدعاء

يلا سلامات

RAMA يقول...

د. حنان

يا أهلا يا أهلا .. بقالك كتير مش بتعلقي عندنا... حاضر ححاول ألعب مع العيال بالفوانيس في صمت وشكرا أوي على دعائك اللي زي السكر

هابي رمضان

تحياتي

RAMA يقول...

الحلم العربي

فانوسك منور المدونة ياحلم.. شكرا أوي على كلامك ودعائك ويارب نقدر نتقابل في التروايح... وحاضر ححاول ألعب بعيد عن الأب الشجاع علشان مايزعلش

هههههههه.. تحياتي

عايش مع إيقاف التنفيذ يقول...

كل عام وانت إلى الله أقرب وعلى طاعته أدوم وأسأل الله أن يجعل شهر رمضان هذا العام أفضل من كل رمضان سبق.. اللهم آمين
كلماتك فكرتني بطفولتي لما كان المسحراتي زمان يلف يخبط على البيبان واحنا نقعد نلف وراه ونقعد نغني لحد وقت السحور.

.:.-=- ELGaZaLy-=-.:. يقول...

ههههههههههههههههههه
كل سنة وانتى طيبة

ورمضان كريم

RAMA يقول...

عايش مع إيقاف التنفيذ

كل عام وانت إلى الله أقرب وجزاكم الله خيرا على الدعاء... ربنا يتقبل منا كلنا في هذا الشهر الكريم... اما بالنسبة للمسحراتي فهو له مع كل واحد منا قصة ولكن لهذا حديث
آخر

تحياتي وهابي فانوس

RAMA يقول...

.:.-=- ELGaZaLy-=-.:.

ياااااااااه إيه الغيبة الطويلة دي ... عودا غزالي زيها زي عودا احمد كده بالظبط

كل سنة وأنت طيب والله اكرم

تحياتي

Sharm يقول...

Hi there,

You are chosen to represent your country in the first international blog
WUB (World United Bloggers)

The aim of this blog is to prove to the world that differences in language, religion,race and nationality do not make us hate each other and we can make this world better if we express our opinions with respect to others.

If you agree to join us please send e-mail with your nick name , age , country and your blog address to sharm_lover@hotmail.com where you will be sent an activation mail which makes you entitled to contribute in WUB, your name as one of the contributor will automatically be updated.Please read the rules before you start any posting in WUB where you will also find the aims of this WUB.

Thanks
Chief WUB,


Sharm .

www.worldub.blogspot.com