followers

إجمالي مرات مشاهدة الصفحة

الجمعة، 21 أغسطس 2009

هابي فانوس .. كلاكيت ثالث مرة






اليوم 25 شعبان .. المشهد الأول

فوانيس ومصابيح تظهر باستحياء على المباني والمنازل والمحلات

اليوم 26 شعبان ..  المشهد الثاني

أم تسير مع طفلها الذي يحمل الفانوس في فرح طفولي
الطفل وهو ينظر للفانوس في فرح : ايه ده يا ماما
أنا : الولد ده عبيط ولا ايه .. ده فانوس طبعا
الأم : ده يا حبيبي كرومبو .. كرمبو

تهافت ليس بكير على السوبر ماركت ومحلات الطعام وعلى الفوانيس

اليوم 27 شعبان .. المشهد الثالث

الشارع منور والزينة غطت السما

التلفزيون ينفجر بكمية غريبة من البرامج والإعلانات والمسلسلات
حديث الشارع : شوفتوا ده بيقولوا ان في أكتر من 100 مسلسل
أنا مش حتفرج غير على مسلسل أحمد عز
لا لا بتاع يسرا أحسن.. وإسأل مجرب من رمضان اللي فات
مش بوجي وطمطم رجع تاني
يلا نقاطع المسلسلات في رمضان
يلا نقاطع التلفزيون في رمضان

حركة الإستهلاك تكبر تكبر

اليوم 28 شعبان .. المشهد الرابع

الطريق لا يطاق .. مزدحم بشكل بشع ... حوادث متعدده .. اعتصام الأتوبيسات
حديث الشارع : ياترى الطريق حيكون عامل ايه في رمضان .. ربنا يستر

الشارع والمحلات زحمة أوي


اليوم 29 شعبان .. المشهد الخامس

ليلة الرؤية

مناقشة ساخنة حول كرومبو

هو : هما غلطوا لما روجو لكرمبوا في رمز ديني زي الفانوس
هي : لا وأنت الصادق ده رمز صيني

حديث الشارع : أنا لازم اشوف الرؤية مع أهلي
انا مش حعرف علشان الشغل
لازم نروح بدري الطريق حيكون زحمة
يارب رمضان يكون يوم السبت .. يارب

الطريق مزدحم جدا جدا .. ولكن البهجة تعم على الجميع

مفتى الجمهورية : وقد تأكد أن غدا .. هو المتمم لشهر شعبان وأن يوم السبت هو الأول من شهر رمضان .. وكل عام وأنتم بخير

اليوم 30 شعبان .. المشهد السادس

بكرة رمضان ... كل سنة وإنت طيب ياكرمبو

معلش كان لازم أقوله كل سنة وأنت طيب قبلكم .. أصله مكتسح الموسم الرمضاني السنة دي

هابي فانوس ليكو كلكو .. واللي مش عارف يعني ايه هابي فانوس بقوله : يعني كل سنة وأنتوا طيبين

إدعولي

بردوا عن رمضان

هابي فانوس
لماذا يبدو مختلفا؟
هابي فانوس.. كلاكيت تاني مرة

هناك 7 تعليقات:

الحلم العربي يقول...

كل سنة و انتى طيبة يا راماااااااااا
يطلع مين كرمبو ده اللى هنعمله نجم رمضان؟؟ لا انا مع بوجي و طمطم هههههه
هابي فانوس ليكي يا جميل بس فانوس من القديم اللى بخيره ده مش البلاستيك :))
يا رب يكون رمضان مميز في حياتنا كلنا و إن شاء الله هدعيلك و انتى كمان ادعيلى
رمضان كريم

mohamed ghalia يقول...

كل سنة وانتى طيبة

yuyo يقول...

كل سنة وانتي طيبة ياراما
واضح ان كتابة الاعداد التلفزيوني اثرت على كتابتك في البلوج
مش عارفة ده حلو ولا وحش بس البوست عجبني
:) هابي فانوس يا جميلة

أبو كريم يقول...

لم يعد الفانوس يمثل مظهرا من مظاهر البهجه فى رمضان كما كان بعد أن طغت عليه الأغانى والأنوار البراقه


وأخاف عليه من الإندثار

romansy يقول...

كل سنه وانتى طيبه
سعيد بمعرفه مدونتك
وان شاء الله يبقى رمضان كريم علينا وعلى كل الامه الاسلاميه يارب

hasona يقول...

السلام عليكم

كل سنة وانت بخير
وكل سنة وجميع أحبابك بخير وصحة وسعادة
وكل سنة وكل المسلمين علي شريعة الله وسنة الحبيب المصطفي رضي الله عنه وأرضاه

وان شاء الله نستفيد من رمضان بكل السبل
ونخرج منه أفضل مما ولجنا به
يا رب أعنا علي القيام والصيام والصلاة
ووفقنا لما فيه الخير للجميع يا رحيم يا كريم

وارزقنا العفاف والرضا - والمحبة واهدينا يا عظيم

وأعنا علي القيام والصيام والصلاة والارتقاءالي جنة الفردوس

واجعلها لنا ميراث خير وسعادة

واجعلنا من عتقاءك في هذا الشهر يا معطي يا وهاب

وارزقنا حلاوة القرآن و حسن تلاوته
وتدبر معانيه وفهمها علي النحو الصحيح
ورطب ألسنتنا بذكرك يا الله

عايز أقول اننا في أيام مباركة ويجب استثمارها في الخير والتقرب من الله

Beautiful Mind يقول...

كل سنه وانتى طيبه

ليه طولتى الغيبه؟