followers

إجمالي مرات مشاهدة الصفحة

الاثنين، 29 أكتوبر 2007

الجمال الأسود



لم أركب الخيل في حياتي مطلقا وأحيانا أخشى الأقتراب منهم ولكنني أعشقهم بدرجة كبيرة.. أشعر بأن لدي الكثير والكثير لأقوله حول هذا المخلوق النبيل الذي كرمه الله بصفات ندر وجودها بين بني البشر حتى أنني لا أعرف من أين أبدأ الحديث.. ولكن لنبدأ بالحديث عن جمال الخيل.. الخيل جميل الطلعة، عندما أراه أجد له طله وهيبة.. له ذيل طويل منمق وشعر ناعم منسدل على رقبتة، عيناه جذابتان عادة ما أراى فيهما الحزن والتأمل.. أما ألوان الخيل فمتعددة ولكن كلها ساحرة



وصفات الخيل رائعة حقا.. فرغم أنه قوي البنية إلا أنه مرهف الحس بدرجة كبيرة.. نبيل وعزيز النفس.. مخلص وصديق أمين لمالكة.. كما أنه كاتم أسرار صاحبة فعادة من يملك الخيل يصادقة ويحكي له عن أدق أسراره.. ويقولون أن لغة الحديث بين الخيل وفارسه هو اللمس والفارس الماهر هو من يجد التآلف والود بينه وبين فرسه عن طريق اللمس كما أن الخيل يتميز بوجود الحاسة السادسة وله قدرة كبيرة على الاحساس بالخطر







أما عن الخيل في حياتي الخاصة فكما أشرت أنني لم أقترب منه مطلقا في حياتي إلا أنني أتمنى أن أفعل ذلك ولو يوم واحد.. أراقبه حينا وهو يجري فأنا أعشق أن أرى الخيل يجري وأتمنى أن أنطلق مثله في أرض الله الواسعة بكل حرية لا يقيدني شيء وحينا أخرى أركب على ظهره ليجري بي دون توقف ثم نجلس سويا على هضبة المقطم في ليلة سمائها صافية ومضيئة بقمر مكتمل.. أحكي له فيها عن كل شيء في نفسي وأعطيه من حبات السكر والجزر.. ثم أعود به إلى بيته وأودعه مع وعد بقضاء يوم آخر مثل هذا .. أعتقد أنني لو فعلت هذا سأكون أسعد نساء الأرض ولن أنسى ذلك اليوم في حياتي


ورغم حبي الشديد للخيل إلا أنني لم احلم يوما بإمتلاك أحدهم يمكن لأنه بالنسبة لي حلم صعب التحقيق ولكن يراودني حلما آخر أراه ممكنا بإذن ربي.. ففي قرارة نفسي قررت أن أول ولد يرزقني به الله ساسميه "جواد" ليتربط اسمه بالخيل منذ الصغر فيربى على خصالة وينشأ فارس نبيلا صادقا مخلصا.. ولا شيء بعيد عن الله




الحديث عن الخيل لا ينتهي ولكن لكل حديث كما يقولون نهاية وسأنهي قولي بمقولة قالها العرب قديما عن الخيل حيث قالوا ثلاثة من نعم الله : زوجة صالحة ، و حصان أصيل ، و سيف بتار







هناك 32 تعليقًا:

قضية عم أحمد Ahmed Case يقول...

الخيل والليل والبيداء تعرفني
والسيف والرمح والقرطاس والقلم ...

جيتي على الجرح

Salma Amer يقول...

كلك احساس مرهف بجد يا راما
حلو قوي البوست فعلا بشاركك حبك للخيل بالرغم من اني ماليش تعامل معاهم من قريب
بس بالنسبة ليا بتمثل القوة والجمال والوفاء
شكرا على البوست عجبني جدا

MarwaAshraf يقول...

احمد رفعت
ــــــــــ

أنا فاكرة البيت ده كويس.. خدناه في الثانوية والمتنبي فيه كان بيفاخر بنفسه.. ورغم أنه مش مرتبط بالموضوع إلا أن جه على بالي وأنا بكتبه

شكرا على وجودك.. تحياتي

MarwaAshraf يقول...

Salma Amer
ـــــــــــــ

بعض مما عندكم يا سلمى.. انا كمان عمري ما قربت منهم بس نفسي أعملها ولا ليوم واحد.. شكرا على تعليقك

تحياتي وبشده

غير معرف يقول...

حقيقى نفس احساسى بس قريت قصة الجمال الأسود لو تعرفيها اهو يعنى لو ماركبتش خيل اقرى قصص عنها واعيش
وامنية حياتى اركب خيل مع انى زيك عمرى ما قربت منهم ومش عارفة ازاى ممكن اركبه بس مين عالم جايز في يوم من الأيام ان شاء الله
وهابقى اخدك معايا يا راما
قولى يارب

الحلم العربي يقول...

الله ....موضوع جميل
فكرتينى بالمرة الوحيدة اللى ركبت فيها خيل في مزرعة صاحب الشركة اللى كنت بشتغل فيها قبل كده
مش قادرة اقولك على الاحساس ده بجد احساس جميل جدا....
اولا انا كنت خايفة منه و حاسة انى مش هعرف اسيطر عليه ...لكن السايس قعد يقولى ان الخيل ده حيوان طيب جدا و حساس جدا جدا يعني بمجرد انى المسه يعرف على طول انا طيبة و لا لأ و يبان عليه

و اول ما لمسته و قعدت اطبطب عليه حسيت انه طيب جدا و حسيت انه حاسس بيه فعلا

السايس قعد يقولى احرك السرج ازاي علشان احسسه ان انا اللى بسوقه علشان مش هو اللى يمشينى على مزاجه و فعلا اتعلمت شوية

و بعدين السايس مشي جنبي شوية
بعدها قالى انا همشي من جنبك و اسيبك معاه .....و كان احساس جميييل جدا....تحسي انك فوق و انك طايرة فوق الدنيا كلها و انك تقدري تعملى حاجات كتير ....
خصوصا لما يجري بيكي الحصان تحسي انك بجد طايرة.....الله ....يا بخت الناس اللى عندهم خيل

بقولك ايه يا راما لما تجيبى خيل ابقى ركبينى شوية ....افتكري صبحتك يعني

سلام يا قمر
معلش طولت عليكي

غير معرف يقول...

somaa 2010
يااااااااااااه
فكرتيني بحاجة أنا بعشقها
أنا بحب الخيل قوي
وبحب ركوبه قوي
والأجمل من ده كله
أنك تقعدي تتأملي حركته وهو في الأسطبل ( أكله ولعبه وشربه وحتى نظراته روعة فعلا روعة)
ربنا يكرمك

dead man يقول...

عارفة .. بقالى كثير جدا عايز اروح اركب خيل

غير معرف يقول...

راما اشكرك على معرفتي بالحديث الشريف لاني لم اكن اعرفه قبل ذلك واتمنى ان توجد صفات الخيل فينا نحن البشر ان يكون الانسان قوي وفي مركز قوة ويتمتع بحس مرهف ووفاء غير معهود سبحان الله صفات الحيوانات ندرت في الانسان تحياتي لبوستك ياقمر

Soooo يقول...

موضوع جميل وحلو قوي بصراحه
لكن في ملحوظه
انتي قلتي تبقي راكبه الخيل وتقفو على هضبة المقطم
الكلام ده كان زمان
دلوقتي مافيش حد بيعرف يمشي في المقطم اصلا
ولا عربيات ولا بني ادمين ولا خيل حتى

ونصيحه .. لو عايزه فعلا تعيشي مع الخيل وتشوفيها وتبقي قريبه منها ولو حبيتي تركبيلك حصان او فرسه تكون بنت حلال كده .. اطلعي على نزلة السمان
ولو حبيتي تعرفي ناس عندهم اصطبلات خيل كويسه انا مستعد ارشحلك كام واحد ولو حبيتي ابقى اكلمهم وكده انا ماعنديش مانع
لان فعلا .. ركوب الخيل والجري بيها في الحياه كده وفي المطلق .. احساس رهييييييييييييب
ياريتك تجربيه بجد



سلامووووووووز

MarwaAshraf يقول...

yuyo
ـــــــــــ

انا كمان زيك بقرا عن الخيل وبشوف أفلام عنه.. مره شوفت فيلم كارتون تحفة بس مش فاكرة اسمة دلوقتي

ويارب يايويو أروح أنا وأنتي قريب نركب خيل.. حتكون مهزلة في تاريخ ركوب الخيل بس إحنا ولا بيهمنا

:D:DD:

تحياتي

MarwaAshraf يقول...

الحلم العربي
__________

عاوزة أقولك يابختك بفظاعة.. وحاضر يا ستي انا تحت أمرك حركبك على الحصان بتاعي .. بس أنت قولي يارب

هههههههه

سلامات يا حلم

MarwaAshraf يقول...

somaa 2010
ــــــــ

يا أهلا وسهلا.. اول مرة ليكي عندي وإن شاء الله مش آخر مرة .. كلنا هذا الرجل يا سومه .. وربنا يوعدني وأركب الخيل ولو مرة زيك .. على فكرة ده مش حسد ده قر بس

:D:D:D:D:

تحياتي

MarwaAshraf يقول...

dead man
ـــــــــ

عارف .. أنا عمري ما ركبت خيل

هههههههه

ربنا يوعدك ويوعدني بركوبة قريبه.. قول أمين

تحياتي

MarwaAshraf يقول...

قلوب حائرة
ـــــــــــ

عاوزة اقولك ان الجملة الأخيرة ليست حديث عن الرسول صلى الله عليه وسلم بل مقولة عربية قديمة وربنا يسمع منك يا قلوب حائرة وصفات الخيل تكون موجودة فينا

شكرا على ذوقك وعلى وجودك

تحياتي

MarwaAshraf يقول...

Soooo
________

شكرا على التعليق وشكرا على النصيحة وشكرا على المعلومة وشكرا على رغبتك في المساعدة وشكرا على وجودك وشكرا على الدعاء اللي أنت حتدعيه ليه بإني أجرب الاحساس الرهييييييب اللي بتقول عليه

تحياتي

Wish I were a Butterfly ... يقول...

يا راما

صعب اوي كدة :) . كتبتي عن الأطفال و انا بجد بموت فيهم... بس دة بأة.... حاجة مش هقدر اوصفلك مدى حبي ليها
بجد اتجننت اول ما فتحت البلوج و لقيت صورة الحصان القمر دة!! من قبل ما أقرأ اييي حاجة :) خلاص دخلت في المود و بجد اتبسطت اوي جدا جدا

أنا كمان بحبه جدا، و الحقيقة... :) اني كمان كنت هكتب عنه في بوست فعلا. بس كنت هكتب عن حبي الشديد جداااا ليه و احساسي لما اركبه
أنا بحبه اوي لدرجة ان ماما حست بحبي دة و خلتني اروح اتعلم فروسية :) بجد نصيحة.. لازم تروحي تركبيه، و على هضبة الاهرامات كمان :) "نزلة السمان" بجد مش هتندمي، و حتحبيه اكتر و اكتر و تحسي انك في عالم تاني بجد وانت راكباه

ياااه. بجد فكرتيني بيه اوي و بقالي اكتر من سنة وحشني و نفسي اركبه :(

تحياتي لأحلى راما و أحلى بوستات كمان :) . بحب ذوقك في اختيار المواضيع جدااا

MarwaAshraf يقول...

Wish I were a Butterfly
ـــــــــــــــــــــــ

يااااااااه.. مش قادرة أقولك التعليق بتاعك بيتكلم قد ايه.. حسيت بفرحتك أوي وبحبك للخيل كمان وربنا يخلي ليك مامتك اللي علمتك الفروسية

أكيد حخوض التجربة في يوم من الأيام.. هى حتكون حاجة مسخرة ومهزلة وفضيحة بجلاجل لأنا أنا عارفة راما كويس بس حيحصل إن شاء الله

على فكرة برغم كمية "بجد" اللي في تعليقك .. اللي إني "بجد" فرحت بيه أوي و"بجد" شكرا أوي

تحياتي

:):):):)

الأميره أوسه يقول...

أنا بقا بحب الحمير
طيبه كده وفى حالها
والناس بتتريق عليها عشان ودانها كبيره
بس غلبانه خالص
بتقضى حياتها كلها بتتعذب
طيب بذمتك شفتى مره حمار بيضحك أو حتى بيبتسم أبتسامه صفرا
شفتى بقا أن عندى حق

غير معرف يقول...

طبعا مفيش انسان مش بيحب الخيل ولو عايزه تتعلمى خيل اتعلمى متعه ما بعدها متعه ركوب الخيل الاول كنت بخاف منه بس لما اتعودت عليه بحب جدا انى اركب خيل اوعى تفتكرى انى خيال لا هى مره او مرتين فى السنه :D بس بجد لذيذ قوى
تحياتى

MarwaAshraf يقول...

الأميره أوسه
__________

إحنا مانقدرش نقول حاجة عن الحمير .. تحياتي لكل حمير العالم يا أوسه .. ليكي عليه أعرف عنه أكتر وأعمله بوست ماحصلش

شكرا على الزياروة وأوعي دي تكون آخر مرة

تحياتي

MarwaAshraf يقول...

رئيس جمهوريه نفسى
_____________

الرئيس بذات نفسه هنا.. يادي النور يا دي النور

فعلا الخيل وركوب الخيل هي متعة ما بعدها متعه.. وبعدين حد طايل يركب ولو مرة واحدة في السنة.. أنا لو عملتها مرة حعيش أفتكرها عمري كله

تحياتي

Wish I were a Butterfly ... يقول...

راما

آسفة على الازعاج تاني :) "ودة المفروض وش واحد مكسوف بس مش عارفة ارسمه في الكمبيوتر". انا بس كنت عايزة ارد عليكي و اقوللك اني آسفة جدااا على كمية كلمة "بجد" الكتييييير اللي كانت موجودة في تعليقي

أنا فعلا بصيت عليه تاني و بصراحة... اتضايقت من نفسي شوية :) . سامحيني جدا ، بس مشكلتي اني بكتب اللي جوايا علطول من غير اي تفكير.. و بيني و بينك دي مش حاجة صح اوي و كمان بتعمللي مشاكل ساعات . بس شكرا بجد انك نبهتيني لكدة.... و ان شاء الله "بجد" :) هحاول آخد بالي اكتر بعد كدة و اقرأ اي حاجة كويس قبل ما ابعتها

حقيقي شكرا... و فعلا فعلا بحب مواضيع البلوج بتاعك اوي. ربنا يكرمك يا راما

سلام

MarwaAshraf يقول...

Wish I were a Butterfly ...
ـــــــــــــــــ

عاوزة أقولك إنك والله مش بتعملي ليه إزعاج وإني فعلا بفرح جدا جدا جدا لما بشوفك.. وبعدين ياستي مش عاوزاكي تضايقي من نفسك لأن تعليقك بجد بجد بجد كان حلو أوي.. خليكي على طبيعتك خالص

وزي ما أنت قولتي مهم إن الواحد يراجع نفسه بس لما يكون بيكلم رئيسة في الشغل أو حد لازم يتصرف معاه بشكل معين أو لما يغلط .. بس إحنا هنا إصحاب ومش في بينا الكلام ده

بجد نورتي وبجد أنا بحبك وبجد انا بحب البلوج بتاعك وبجد ربنا يكرمك

والوش المكسوف بيترسم كده :$ .... يلا أي خدمة

تحياتي وبشده

الأستاذ يقول...

فعلاً أنا بعشق الخيل جداً
كل اللي أتمنى ٌتناؤه من حيوانات في هذه الغابة التي نعيشها
دولفين وحصان وكوالا
دب الكوالا لو حد يعرفه ده شكله لذيذ أوي
تحياتي

MarwaAshraf يقول...

الأستاذ
___________

ومن منا لا يعشق الخيل.. على فكرة الدولفين والكوالا دول موضوع تاني خالص .. ماقدرش أقول غير سبحان خالق هذا الكون

شكرا على وجودك

تحياتي

غير معرف يقول...

الموضوع مش حلو

هو رائع

بجد موضوع جميل أوي حسيت إني وأنا بقرأه راكب فوق حصان والحصان عمال بيجري بيا وأنا طاير من الفرحة بس هو ده فعلا كان إحساسي وأنا بقرأ البوست ده..

بالتوفيق دايما يارب

ومش هنسى أدعيلك طبعا (يارب نشوفك حاجه حلوه) "مش كنافة".

Beautiful Mind يقول...

HI RAMA
THANK U FOR VISITING ME
AND THANK U FOR UR DELICATE WORDS
ITS THE FIRST TIME I READ FOR U
AND REALLY "WONDERFUL"
I ADORE HORSES
I DO HAVE ONE IN MY VILLAGE
U WILL NOT KNOW HOW MUCH THEY R BEAUTIFUL UNTIL U TOUCH THEM AND LOOK DEEPLY INSIDE THIER EYES


قال الرسول صلى الله عليه وسلم
"الخيل معقود بنواصيها الخير"
صدق رسول الله
thank u again rama

bye

MarwaAshraf يقول...

عايش مع إيقاف التنفيذ
__________

شكرا بجد على ذوقك وكلامك وربنا يدم عليك الأحاسيس اللي من النوع ده

وشكرا مقدما على الدعاء وعادي لو بقيت زي الكنافة هو أنا أطول

:D:DDD

سلامات

MarwaAshraf يقول...

Beautiful Mind
______________

thanks alot for ur visit and ur nice words

it is so nice to hear that u have a horse.. what is his\her name? :) .. may u write a post about it .. i think it will be great

thanks again.. regards

غير معرف يقول...

انا بس كنت عايزة اقولك انى قريت كل كملة فى المدونة الرقيقة بتاعتك وما تتصوريش يا مروة كلامك هزنى اد اية؟؟


بس فى نفس الوقت استغربت منه قوووووى ...


عارفة لية !!!!

لانى كل اللى كتبتيه حسيته جواك قوى اول مرة شفتك فيها ، لانك انسانة شفافة لاقصى درجة وحسيت كمان انك عايشة بجسمك بس معانا هنا لكن انت مش هنا خااااااااااالص طايرة فووووووق فى دنيا تانية ودة حاجة جميلة قوى


واغرب حاجة انى كمان بحب الخيل جداااااااااااا وبرده لما كنا مكتوب كتابنا انا وزوجى اتفقنا ان ان شاء الله اول ولد ربنا يرزقنا به نسميه جواد

ربنا يبارك فيك ويرزقك خيرى الدنيا والآخرة .....

بجد... إنى أحبك فى الله جدااااااا

غير معرف يقول...

ازيك يا راما عامله ايه يا جميله تعليقي بالنسبه ل الجمال الاسود او الخيل فانتي بحييكي عليه لانه حلم ناس كتير وانا اولهم اني بحب الخيل ونفسي اركبه في يوم من الايام وده لانه كائن فيه صفات بتجمع مابين القوه والرقه انا اعتبرت ركوبي للجمل حاجه جميل وكنت فرحانه جدا وانا راكباه بس وانتي بتتكلمي عن الخيل حسيت اني رجعت للعصور الوسطي عصر الفرسان واتمنالك التوفيق ان شاء الله اختك مني