الظلبوطه دي أغنية للأطفال ... مش عارفة فين اتعلمتها ولا إمتى... بس أعتقد انها ظهرت قبل أغاني الاطفال الحديثة الفظيعة (فظيعة هنا معناها فظيعة بجد ) اللي انتشرت بعد كده زي "بوس الواوا" وغيرها... ومؤلف أغنية "الظلبوطة" الفظيع بردوا كاتبها صغيرة علشان الاطفال الحلوين الصغننين يتعلموها بسرعة والأغنية بتقول :-1
أنا نونو صغير ، وبنطلونه قصير ، وعايز ألبس ظلبوطه
روحت لماما قولتلها : يا ماما ، أنا نونو صغير ، وبنطلونه قصير ، وعايز ألبس ظلبوطه
ماما قالت لي : أنت نونو صغير ، وبنطلونه قصير ، ومش تلبس ظلبوطه
روحت لبابا قولتله : يا بابا ، أنا نونو صغير ، وبنطلونه قصير ، وعايز ألبس ظلبوطه
بابا قال لي : أنت نونو صغير ، وبنطلونه قصير ، ومش تلبس ظلبوطه
روحت المطبخ جبت السكينة قتلت بابا وماما ولبست الظلبوطة
هي دي الاغنية... ونفسي أعرف المؤلف العظيم اللي كتب الاغنية... بس علشان أسأله الأسئلة اللي دايما بسألها لنفسي كل لما أفتكر الاغنية العقيمة دي ... أسأله ياعمو يعني ايه "ظلبوطه"؟ وليه ياعمو "النونو" البريء (بكسر الباء) يقتل بابا وماما علشان اللي اسمها "ظلبوطه" دي؟
فهل منكم من يعرف اللغز الخفي وراء تلك المدعوة "ظلبوطه"؟
هناك 11 تعليقًا:
اللى ألف الأغنية دي أكيد مش طفل و أكيد ما عداش على مرحلة الطفولة أصلا....هههههههههه
و أنا بقول هو الجيل الجديد طالع متشرد ليه ؟؟؟أكيد سمعوا الأغنية دي
دي حاجة كده عاملة زي سر البكبك
اوعي تسألينى ايه هو سر البكبك؟؟
ده لغز عايز تدوينة بحالها
تحياتي
الحلم العربي
المين يافندم.. بكبك؟؟.. وده يطلع ايه ده كمان.. بقى أنا حيرانة في لغز الظلبوطة تقومي تجيبي ليه لغز أفظع منه.. لاااااااااااا.. مستنية أعرف السر قريب
على فكرة أنت منوراني .. لاقيتي الأمير ولا لسة؟؟
:D
لما تلاقي رد على سؤالك يا ريت تقوليلي علشان انتي نجحتي في إشعال فضولي
وشكلها زي ما قالت الحلم العربي هتطلع حاجة عاملة زي سر البكبك
وهأكرر نفس تحذيرها .. اوعي تسأليني ايه هو :) لأحسن ده عاوزله تدوينة بحالها
مصعب الخير
لا حرام بجد.. يعني أنا الوحيدة في الموضوع إلي مش عارفة ايه هو البكبك ده..
بص احنا نتفق اتفاق انت تعمل تدونية عن البكبك وتعرفني حكايته وأنا أول ما أعرف حل اللغز أقولك على طول.. ماشو
:)
تعالى عندنا دايما
سلام
عارفة .. حالا افتكرت الأغنية بتاعت لابس ظعبوط وفردة بوت ورايح فين
:)
مصعب
ايه حوار البكبك ده انا معرفش
dead man
تفتكر الظلبوطة ليها علاقة بالظعبوط؟؟؟.. على العموم مازالت رحلة البحث مستمره ومسيرنا نعرف حل اللغز؟
أماالبكبك بقه فنحن في إنتظار التدونية
منور المدونة يافندم.. كرر الزيارة
تحياتي
:)
يا جدعان الي مايعرفش قصة البكبك .. يبقى عمرة ما عرف في حياته اي عيال رخمة...وطفولته كان فيها قصور شديد .. لإن البكبك...كان مفرد رئيسي في طفولة كل الأطفال...
المهم..ادعوكم لمساندة حملة معا للقضاء على الكيف التفاصيل بالكامل عند صاحب الوابة
مستنياكم هناك
WWW.elbawaba.blogspot.com
أجمل حاجه بتعمليها انت بتفكري في حاجات غريبة أوي وحلوة أوي .
بس انت بترجعي الواحد لايام الزمن الجميل
وبعدين انت ازاي ما تقوليش على التدويبنة ديه :(
sokoothansawat
وبعدين بقه.. ياجدعان بلاش تبخلوا بالمعلومة.. يعني اللي عارف يقول للي مش عارف
وبتقول اللي ما يعرفش البكبك طفولتة فيها قصور.. يعني انا طفولتي كان فيها قصور .. ماشي الله يسامحك
منور يافندم
أحمد رفعت
يا فندم انا أقدر ما أقولش على التدونية .. أنا بعت اوف لاين ماسيج على الماسنجر بس شكلهاضاعت في السكة .. ويظهر إن البوسطجي الماسنجري غلط في العنوان
وعلى كل منور الظلبوطة قصدي البلوج
سلامات
:)
إرسال تعليق