إزيكم .. أولا وحشتوني أوي جدا خالص .. أنا بجد زعلانة إني سايبة مدونتي اللي مافيش زيها في الدنيا الفترة الطويلة دي .. بس أنتوا عارفين الحياة لا تعطي من الوقت الكثير .. فيها شوية تفاصيييييييييل بتخليك مش عندك وقت تخش على المدونة بتاعتك .. لا وكماااااان مش عندك وقت تكتب على المدونه بتاعتك ... المشكلة ان المدونة "بتاعتك" مش بتاعت حد تاني .. ماكنتش أعرف إن الحياة قاسية للدرجة دي .. إهيء إهيء إهيء
إحم إحم .. ما علينا .. ندخل في موضوعنا .. لااااااااااا .. قبل لما ندخل في موضوعنا أحب أقول للناس اللي سألت عليه، اعتقد إني عايشة وأعتقد كمان إني كويسة بس مضغوطة حبتين .. بس أنا فعلا كويسة.. إممممم.. يمكن قلقانة شويتين .. لكن أنا كويسة بسسسسسس... أنتوا عارفين الباقي.. وصحيح شكرا لكل اللي عبرني وسأل عليه.. جميل إنك تلاقي حد بيعبرك في الدنيا الوحشة القاسية اللي بتخليك مش عندك وقت تدخل على مدونتك أو حتى تكتب عليها .. إهيء إهيء إهيء
مش ندخل في الموضوع بقى؟؟
مين بيقول كده؟؟.. ها؟؟.. ماشي ياعم الممتعض.. حندخل في الموضوع
أكيد انت بتسألوا ليه أنا بشكر ربنا على الفيس بوك؟؟.. لأنه ياجماعة عمل حاجة مهمة أوي في حياتي أنتوا مش متخيلين عمل ايه.. الفيس بوك خلاني أنا "راما توهان" افتكر اليوم اللي اتولدت فيه وأقول لنفسي كل سنة وأنا طيبة (ملحوظة : من البيانات التي تضع على الفيس بوك تاريخ الميلاد-جملة إعتراضية) ... أنتوا متخيلين هو عظيم أد إيه
لا وكل ما أنسى اليوم المهم العظيم ده.. ألاقي حد يقولي "كل سنة وأنت طيبة" .. ولما أسأل ليه؟؟... يقولي علشان عيد ميلادك... مش بقولكم الفيس بوك ده عظيم ... لأ والأعظم أنه شجعني إني أدخل هنا.. هنا في مدونتي اللي عشش فيها العنكبوت وأقولكم إن بكرة الموافق (15-10-2008) هو يوم عيد ميلادي .. علشان تقولوا لي طبعا كل سنة وإنت طيبة وجميلة ومبسوطة وحلوة وسعيدة و.... ، وعلشان كمان التفاصيل التانية المهمة زي الدعوة الحلوة والهدايا والأحلى .. إلخ إلخ إلخ
عرفتوا ليه شكرا يارب على الفيس بوك.. عرفتوا ليه الفيس بوك ده عظيم.. عرفتوا ليه أنا في شدة التأثر دلوقتي .. إهيء إهيء إهيء
يعني بقتي كام سنة يعني؟؟
مين الغلس اللي قاعد معايا من بداية البوست ومش طايق ليه كلمه ده.. جزززززززززز (راما تجز على اسنانها من الغضب-جملة إعتراضية)... ما علينا.. بقيت 23.. يعني في عز شبابي .. ويارب أفضل شباب على طول قول أمين منك ليها ليها له
أنا مبسوطة اني رجعت كتبت تاني... على فكرة كان نفسي أكتب من زمان.. عندي حاجات ياما عاوزة تتقال لكن الحياة القاسية زي ما انتوا عارفين مش بتخلي الواحد يقدر يدخل على مدونتة ويكتب فيها ويفضض ويحكي و....
يعني خلصتي كلامك ولا ايييييييييه؟؟
هزلت.. كمان بتقاطعني... امشي من هنا وإلا وإلا ... أه افتكرت.. ويلك ويلك ويلك يا أبله
ما علينا.. أنا حمشي بقى .. احتمال اتأخر عليكوا تاني علشان التفاصيل اللي في الحياة القاسية .. بس انا لو فيه عمر هرجع تاني.. اصل بحب هنا ومقدرش استغنى عنه
وكل سنة وأنا راما
سلامااااااااااااااااااات
إحم إحم .. ما علينا .. ندخل في موضوعنا .. لااااااااااا .. قبل لما ندخل في موضوعنا أحب أقول للناس اللي سألت عليه، اعتقد إني عايشة وأعتقد كمان إني كويسة بس مضغوطة حبتين .. بس أنا فعلا كويسة.. إممممم.. يمكن قلقانة شويتين .. لكن أنا كويسة بسسسسسس... أنتوا عارفين الباقي.. وصحيح شكرا لكل اللي عبرني وسأل عليه.. جميل إنك تلاقي حد بيعبرك في الدنيا الوحشة القاسية اللي بتخليك مش عندك وقت تدخل على مدونتك أو حتى تكتب عليها .. إهيء إهيء إهيء
مش ندخل في الموضوع بقى؟؟
مين بيقول كده؟؟.. ها؟؟.. ماشي ياعم الممتعض.. حندخل في الموضوع
أكيد انت بتسألوا ليه أنا بشكر ربنا على الفيس بوك؟؟.. لأنه ياجماعة عمل حاجة مهمة أوي في حياتي أنتوا مش متخيلين عمل ايه.. الفيس بوك خلاني أنا "راما توهان" افتكر اليوم اللي اتولدت فيه وأقول لنفسي كل سنة وأنا طيبة (ملحوظة : من البيانات التي تضع على الفيس بوك تاريخ الميلاد-جملة إعتراضية) ... أنتوا متخيلين هو عظيم أد إيه
لا وكل ما أنسى اليوم المهم العظيم ده.. ألاقي حد يقولي "كل سنة وأنت طيبة" .. ولما أسأل ليه؟؟... يقولي علشان عيد ميلادك... مش بقولكم الفيس بوك ده عظيم ... لأ والأعظم أنه شجعني إني أدخل هنا.. هنا في مدونتي اللي عشش فيها العنكبوت وأقولكم إن بكرة الموافق (15-10-2008) هو يوم عيد ميلادي .. علشان تقولوا لي طبعا كل سنة وإنت طيبة وجميلة ومبسوطة وحلوة وسعيدة و.... ، وعلشان كمان التفاصيل التانية المهمة زي الدعوة الحلوة والهدايا والأحلى .. إلخ إلخ إلخ
عرفتوا ليه شكرا يارب على الفيس بوك.. عرفتوا ليه الفيس بوك ده عظيم.. عرفتوا ليه أنا في شدة التأثر دلوقتي .. إهيء إهيء إهيء
يعني بقتي كام سنة يعني؟؟
مين الغلس اللي قاعد معايا من بداية البوست ومش طايق ليه كلمه ده.. جزززززززززز (راما تجز على اسنانها من الغضب-جملة إعتراضية)... ما علينا.. بقيت 23.. يعني في عز شبابي .. ويارب أفضل شباب على طول قول أمين منك ليها ليها له
أنا مبسوطة اني رجعت كتبت تاني... على فكرة كان نفسي أكتب من زمان.. عندي حاجات ياما عاوزة تتقال لكن الحياة القاسية زي ما انتوا عارفين مش بتخلي الواحد يقدر يدخل على مدونتة ويكتب فيها ويفضض ويحكي و....
يعني خلصتي كلامك ولا ايييييييييه؟؟
هزلت.. كمان بتقاطعني... امشي من هنا وإلا وإلا ... أه افتكرت.. ويلك ويلك ويلك يا أبله
ما علينا.. أنا حمشي بقى .. احتمال اتأخر عليكوا تاني علشان التفاصيل اللي في الحياة القاسية .. بس انا لو فيه عمر هرجع تاني.. اصل بحب هنا ومقدرش استغنى عنه
وكل سنة وأنا راما
سلامااااااااااااااااااات
هناك 22 تعليقًا:
راما حبيبة قلبي كل سنة وانت طيبة يا قمري
كل سنة وانت منورة الفيس بوك والبلوج والانترنت كله
انا كمان بقيت بدخل على مدونتي احدثها كل فين وفين بسبب مشاغل الدنيا وبتوحشني بلوجات صحابي نفسي يعملوا حاجة لما تفكري في فكرة تتنشر على طول على البلوج حاجة كدة ويرلس
ولا اية رايك
كل سنة وانت طيبة :)
سبحان الله
بقالي اكتر من سنة ونص اسمع عن راما
كل حد يكلمني يقولي بتقرا لراما
تعرف راما
لدرجة ان واحد كان بيغني ويقولي
لو سألتك تعرف راما تقولي ايه؟
تقولي رامي واعرف راما وبلوج راما الله عليه
ليييييييييييه؟
ده انا قبل ما اجي هنا
اول مرة ليا هنا
تقريبا مش فاكر اوي
واذ افاجأ انه عيد ميلاد وبوست بعد عودة
اكيد انا فرحان طبعا
ياستي كل سنة وانتي طيبة واسف لكل اللي حكالي عنك ومش صدقته
على الهامش:
انا اللي كنت باكلمك ف البوست باللون الاحمر
اصلي كنت جاي متحفز وعايز اطلعلك غلطة
بجد سنة كويسة ليكي ان شاء الله ويارب الدنيا بظروفها القاسية مش تاخدك بعيد عن هنا
علشان البعد بيعلم النسيان
سلام يا راما
وانا كمان بقيت منهم
انا بقيت من متابعي مدونة راما
انا بقيت رامي
ههههههههه
kol sana w enty tayeb ya gamila ya sokaraaaaaaaaaaaaa
mat3'ebesh kda taniiiiiiiiiiii
ana hafagrk asln kont 2al2ana 3aliky mooooooooooot
kol sana w enty gamila w 3asola w amora w tayeba w kol 7aga 7elwa fe eldonia
sa7e7 by the way eh eladress bta3 el facebook bta3k :P ??
ههههههههههه
كل سنة و انتى راما يا راما
و حمد الله على السلامة
احنا كمان بتوحشنا تدويناتك بس احنا عارفين مشاغلا لحياة و الاعباء و الضغوط اللى بتخلى الواحد ما يعرفش يدخل على مدونته إهئ إهئ إهئ
هههههههههه
كل سنة و انتي طائعة لربنا و عارفة انتى بتعملى ايه في الحياة
كل سنة و انتي من نجاح لنجاح إن شاء الله
و السنة الجاية إن شاء الله تتدخلى بردو تقوليلنا كل سنة و انا راما بس يكون معاكي حد تاني غير اللي بيكتب بالأحمر ده و يكون ظريف و لطيف و مسمسم علشان يليق على راما
ههههههههه
:))))))))))
كل سنة و انت أحلى راما في الدنيا
و أكيد أحلى راما في حياتي :) بس يعني عشان مش أعرف حد اسمه راما غيرك
:p
يارب السنة الجاية تكون أحلى ليكي و مش تكون متعبة أوي أوي أوي كدة زي السنة دي
مبسوطة أويييي إني قرأت لك بوست أخيييييرا :) أصل مش بشوفك فمحتاجة أي حاجة تصبرني على كدة
من كل قلبي بتمنالك الباقي من عمرك يكون أحلى من اللي فات ألف مرة
بحبك
كل سنه وانتى طيبه وجميله وقمر
تحياتى
حرام عليكي يا راما ققتيني عليكي قوي ،أنا قلت البنت نسيتني
وبخ المدونة
عموما كل عام وانت بخير وسن التلاتة وعشرين دا مفترق طرق يعني حتلاقي نفسك خلاص بتودعي سن المراهقة بلا عودة وبتستقبلي سن النضوج وبتلاقي الدنيا بتبصلك نظرة المسئولية
صدقيني هو سن صعب شوية بس كله بيعدي
الحمد لله أنك بخير
وكل عام وانت لربنا اقرب
kol sana wenti tayyeebaa w wa7shaaaaniiiii
ane meen? Yosra!!!
أنا ببص على مدونتك - الجميلة جدا- و إذ بى أفوجأ انه عيد ميلادك
التلاتة و عشرين زى كل سنة ما تشغليش بالك بس ان شاء الله معاكى انت تبقى أحلى سنة
كل سنة و انت طيبة يا قمر
يعنى الناس تغيب كده وترجع تقول عيد ميلادى النهارده ..طيب مفيش اى تنويه قبله نجيب تورته ولا شوية شمع؟
على اى حال كل سنه وانى طيبه وسنه جديده سعيده مليانه فرح وهنا وراحة بال انشاء الله
وان كان على الشغل اعتقد ان احنا اتقفنا اننا اصبحا فدائيين خلاص
اتعودنا يعنى على كده
سلام
كل عام وانتى الى الله اقرب يا جميل
Salma Amer
سلمتي العزيزه... كل سنة وإنت بألف خير... حاضر ياستي ححاول إن شاء الله .. ومبروك على الخطوبة يا أحلى عروسة
mensh
_______
وإنت طيب يا بطل
ولــــــــــو
_________
ياااااااااااااااااااه... كل ده.. أكيد انا كنت عاملة أزمة... على العموم أنا بتأسف وفي نفس الوقت بشكر الأزمة اللي خليتك تدخل وتجرب بنفسك ... وبشكرك انت بقى علشان الحمد الله عجبك الشخابيط اللي بكتبها.. وبشكر بابا وماما والشعب العربي و... إحم إحم ما علينا
وإنت طيب يا ولو .. وعلى فكرة حلو أوي النشيد اللي إنت كتبته ده.. وتنور في اي وقت .. انت دلوقتي صاحب بيت
:)
سلامات
Oma
_______
وانت طيبة وجميلة يا أوما ... يعني انا معرفش ملامحك ولا اسمك الحقيقي بس بجد بحبك أوي .. وأنا اسفه اني قلقتك عليه بس بجد غصب من عني ، انت عارفة الحياة القاسية الليي... الخ
وعلى فكرة لو عاوزة الفيس بوك بتاعي ابعتي ليه على الميل اللي سيباه على المدونة وأنا حبعته ليكي ان شاء الله.. انت عارفة ده سر قومي
:)
الحلم العربي
_________
ههههههههههههههههههههههه
اللهم أمين على دعواتك ده أولا وخصوصا بتاعت المسمسم دي
وكل سنه وإنت أطيع الله ان شاء الله ده ثالثا
والله العظيم إنت بنت مسخرة ده خامسا
هههههههههه
بحبك يا حلم
Wish I were a Butterfly ...
------------------
البنت اللي مشاعرها دايما نبيلة ورقيقة.. شكرا يا بندقتي واللهم أمين على كل دعوه قولتيها... اشوفك قريب ان شاء الله
blue-wave
________
قمر بالستر يا فندم... وإنت طيب :)
ست البيت
_________
يظهر اني قلقت ناس كتير عليه.. والله البعد عن مدونتي عرفني ان في ناس كتير بتحبني وبتقلق عليه ومش قادرة تستغنى عني
:P
ههههههههههههههههه
أولا يا ستي انا عمري ما أنساكي دي عشرة مدونات بردوا وثانيا شكرا على اهتمامك يا جميلة وتعالي زورينا دايما
:)
Mosaic Girl
_________
وإنت طيبة وأنا بطلب منك متخليهووووووووش أخر تعليق .. وتعالي زورينا دايما
:):):)
Beautiful Mind
___________
يا أهلا يا أهلا
الشمعة والتورتة كله وصل يا فندم
شكرا على التهئنة بس ادع للفدائي علشان كله اصابات
متغبش انت كمان
سلامات :)
.:.-=- ELGaZaLy-=-.:.
_________________
ايه ده... بتعاكس علني في المدونة قدام الناس كلها كده
طيب افرض الواد المسمسم اللي قالت عليه "الحلم العربي" كان موجود دلوقتي .. تفتكر كان عمل فيك ايه
وبعدين في ذمتك ايه علاقة كل عام وانت الي الله اقرب بكلمة جميل .. دي حتى مش راكبة ولا ايه؟؟
على العموم وإنت طيب يا سيدي
وشكرا على وجودك
سلامات
:)
إرسال تعليق