followers

إجمالي مرات مشاهدة الصفحة

السبت، 11 أبريل 2009

شوية خلطبيته







كانت توليفة زي كارثة

أو وجبة من اليأس المخيف

حدوتة وفيها ألف حادثة

و سوء تفاهم مرعب وعنيف

فنجان سذاجة وطيبة بالغة

معلقة قلة بخت ونحس

وعصير مبالغة.. والباقي واضح زي الشمس

دي هفوة بس

دي خلطبيته مع سوء فهم بميت شكل

جايز مشيت في طريق ملغبط

وغلطت في شيء لكن ماهواش ماهول

مشيت يمين وأنا مش قصدي وشمال بدل ما أمشي أنا على طول

وجريت بأخر قوة عندي.. وأنتوا عارفين باقي الموضوع

دي هفوة بس

دي خلطبيته مع سوء فهم بميت شكل

مش ممكن هرجع تاني أو يصفعني زماني .. إلا لو الناس تنسى اللي حصل والناس ممكن تنساة

لو بس لاقوني كده في التو .. بنط وطاير كده في الجو .. بحاول ارفرف لكن بتكعبل على الأرض

فنجان سذاجة وطيبة بالغة

معلقة قلة بخت ونحس

وعصير مبالغة.. والباقي واضح زي الشمس

دي هفوة بس

دي قلة حيلة وقمية مع كله ونحس

دي خلطبيته مع سوء فهم بميت شكل


******************************************

أغنيه من فيلم فروج القلة.. حستها بتكلمني .. حستها بتعبر عني..حسيتها معمولة مخصوص علشاني .. ياترى عملت فيكو ايه .. الفيلم بالإنجليزي اسمه

chicken little

هناك 3 تعليقات:

أميرة من غير قصر ولا بستان.. ولا الشاطر حسن كمان يقول...

أولا وقبل اي حاجه
واحشاااااااااااااااااااني مدونتك يا راما ، بقالي فترة مزورتهاش

طبعا طبعا هاتقوليلي نورتي ياللي لسه الشاطر حسن بتاعك موصلش ههههههههههههههههههههه

كله كوم واسم الفيلم كوم تااااني
" فروج القلة " ههههههههههههههههههههههههه

ربنا يكرمه ويكبر :)))

ونفسي الخلطبيته بتاعتك تروق وتعمل أحلى شغل

jessy يقول...

حلوة يا مروة جدااااااااا
بس عايزة اقلك حاجة
انا مش فاهمة اى حاجة
انا ملاحظة انك بدأتى تكتبى حاجات مش مفهومة فى مدونتك من مدة
بس على العموم تجنن

الحلم العربي يقول...

ههههههههههههههههه
بجد انتى فعلا مثل حي للكارتون
انا بردو بحب الكارتون قوي علشان كده بردو بحبك قوي قوي
و بعدين ايه فروج القلة دي ههههههه بجد اسم تحفة قوي
كلمات الأغنية بردو ملخبطة لكن بتعبر عن الحالة اللى عايزة تقولها
اللخطبة و الكعبلة اللى احنا فيها
ربنا يهدينا بقى و ما نتكعبلش تاني :)))))))
تحياتي يا رامتى و معجبة باختياراتك