followers

إجمالي مرات مشاهدة الصفحة

الثلاثاء، 4 مارس 2008

وحدة




انتفضت في مقعدها عندما إنطلق صوت الهاتف كالصرخة يشق السكون

لا تعرف لماذا انتفضت ولا لماذا جرى أخيها ليلتقط سماعة الهاتف بتلك اللهفة... استمع لمحدثه في جزع ثم ألقى السماعة من يده وأسرع يرتدي ملابسه وهو يقول : أ سرعوا.. حادثة طريق


تحركوا جميعا في ذعر وفوضى... إلا هي ظلت جامدة مكانها.. وأنكمشت في مقعدها تبكي


لا لن أذهب.. لا أريد أن أراه أو أشم حتى رائحته... لا أريد أن أرى الموت وهو يصحبها معه كما صحبه من قبل وأكملت في تحدي : سانتظركم هنا


لم يبالوا بها جميعا.. وإنطلقوا ذاهبين


تركوها وحيدة في الصالة الباردة الفسيحة وسط ملابس ملقاه في إهمال هنا وهناك.. وسماعة الهاتف كما هي على الأرض منذ تلقى أخيها الخبر


ظلت منكمشة في مقعدها والأفكار السوداء تنهش عقلها وقلبها

لم تحمتل

جرت على غرفتها

سانام.. الحل الوحيد للهروب من الوحدة والخوف أن أنام .. وسأستيقظ لأراهم جميعا حولي ... سأراهم جميعا حتى هي

ظلت تتقلب على سريرها في يأس وبدلا من أن تهرب هي .. هرب منها النوم

وصوت الصمت يكاد يقتلها

تعلقت عيناها بعقارب الساعة التي كانت تتحرك أمامها كالسلحفاه وصوت العقارب يدق مع نبضات قلبها المنقبضة.. تك توك تك توك

ترى ماذا تحمل لي الدقائق القادمة

وضعت الوسادة على رأسها وأغمضت عينيها بشدة في محاولة يائسة للهروب والنوم ولكن لا فائدة


ثم تحركت أقدامها في بطء وأنكمشت حتى ألتصقت بصدرها وتحركت ذراعيها لتحيط قدمها حتى أصبحت في وضع الجنين


حينها شعرت بأنامل أمها الرقيقة تتحسسها وصوتها العذب يأتي لها من بعيد.. ينشد كلمات هادئة لحنها رقيق


ارتسمت على وجهها ابتسامة وتسلل النوم إلي عينيها بنعومه ويسر


فهكذا أعتادت أن تنام قبل أن تاتي للدنيا دون أن تشعر بأدنى خوف من الليل أو الوحده


هناك 32 تعليقًا:

غير معرف يقول...

إيه يا بنتي الاكتئاب ده ..

طلعي اللي عندك طلعي

زي ما قلتلك دي حالة نفسية

هههههههههههههههههههههههه

قصة جميلة يا (راما)

عجبتني والله وشدة انتباهي وتصويرك للقصة جميل.

ليكي مستقبل إن شاء الله.

أسأل الله لك الهدى والتقى والعفاف والغنى والفوز بالجنة والنجاة من النار

لي شرف إني أكون لأول مرة أول من يعلق على المدونة.

Beautiful Mind يقول...

سلام عليكم
ايوا مواهب الكتابه بدأت تظهر
التصوير رائع وبكل دقه
.
اتمنى ان اللى فى الموقف ده تكون حد انتى متعرفيهوش خالص

:)

فزلوكة يقول...

ماشاء الله أسلوبك جميل ومبدع

أما النوم فأحلى هروب

بالتوفيق إن شاء الله

Salma Amer يقول...

مش ممكن اية الابداع دة يارما
تحفة بجد
القصة مؤثرة و الكلمات منتقاه بعناية
جملة " صوت الصمت يقتلها " حستها قوي

حمامة يقول...

جميلة القصه اوى
احلى حاجة عجبتنى فيه الكام سطر اللى ف الاخر تحسى فيهم بالحنان اوى

تقبلى مرورى :)

غير معرف يقول...

ماشاء الله كاتبة قصة ممتازه ،هي القصة جميله والاسلوب جميل بس الافضل تكتبي حاجات فيها تفاؤل وامل ،كفايه الي احنا فيه.وربنا يوفقك ويكرمك

صاحب المضيفة يقول...

ربنا يزيدك وينعم عليكي من فضله


محاولة أدبية راقية


كملي ولك مستقبل ان شاء الله



تحياتي

ღϠ₡ღأمير الهدوءღϠ₡ღ يقول...

انا اتخضيت يارما
عشت الموقف بجد

اسلوب قصصي راااائع

بجد رائعه من هنا للصبح

بس بلاش الرعب ده هههههههه

تقبلي خالص تحياتي
:)

همسة قلم يقول...

ان كانت مقطوعة أدبية وفقط فهي رائعة ..أحب هذا النوع من الكتابات جدا :)

وان كانت تعبير عن شعور ما ..فعسى من اتصلوا يخبروكم عنه يكون بخير الان

لكنها مقطوعة ادبية راقية ..شخصيا اعجبني اسلوبها كثيرا

دمتِ بود ودام قلمك المبدع مبدعا

قضية عم أحمد Ahmed Case يقول...

انا مش هتكلم عن صور جمالية في كلامك انت مش مبسوط من حزنك الشديد اوي ده


الورد لو مفتحش بسرعة ممكن يدبل يا راما ...

فتحي يا وردة ....

الحلم العربي يقول...

راما
اه الكآبة دي كلها
اسلوبك جميل جدابس كنت متوقعة نهاية مش حزينةكده
ربنا يجعل ايامك كلها افراح
ونشوف قريب مجموعة قصصية للكاتبة راما
بس لازم تكون قصص مفرحة و فيها تفاؤل علشان راما صديقتى متفائلة و جميلة مثل الأطفال
تحياتي صديقتى
أحبك في الله

MarwaAshraf يقول...

عايش مع إيقاف التنفيذ
________________

ايه ياعم عايش التسييح العلني ده.. حالة نفسية ايه يا راجل.. بقى في حالة نفسية ممكن تخرج الإبداع ده

على العموم شكرا على التسييح والبوقين الحلوين وشكرا على الدعاء .. ربنا يجعلها ساعة إجابة تحياتي

MarwaAshraf يقول...

Beautiful Mind
__________________

لا خالص .. ده مجرد عقل تخيل موقف ونقله القلم في مجرد كلمات

وبعدين المواهب باينه من زمان بس إنت اللي مش واخد بالك

تحياتي

MarwaAshraf يقول...

فزلوكة
___________

لا أنصحك بالهروب إلى النوم كثيرا

شكرا على مرورك وعلى كلامك.. في إنتظار زياراتك القادمة

تحياتي

MarwaAshraf يقول...

Salma Amer
___________

بعض مما عندكم يا سلمتي .. أخجلتم تواضعنا بجد

شكرا على وجودك الدائم

تحياتي

MarwaAshraf يقول...

حمامة
________

مرورك على عينا وراسنا .. حد يطول حمامة جميلة زيك تعدي عندنا

إحساسك عالي أوي يا حمامة.. في إنتظار مرورك القادم

تحياتي

MarwaAshraf يقول...

هدير
______

انا أسفة لو كآبتك ... بس معلش قلمي إتحرك المرة دي بلونة الأسود.. أرجعي لبوستات سابقة في المدونة وحتشوفي شوية تفاؤل لحد ما قلمي يرجع يكتب بالوان الطيف تاني

شكرا أوي على وجودك

تحياتي

MarwaAshraf يقول...

صاحب المضيفة
_____________

الله يكرمك ويتقبل منك.. المهم إنت عامل ايه دلوقتي؟؟؟.. يارب تكون بخير

نورت البلوج

MarwaAshraf يقول...

أمير الهدوء
___________

ههههههههههههه

سلامتك من الخضة يا امير .. معلش نسيت اكتب تحذير لأصحاب القلوب الرقيقة

أرجوك أوعى تبعت الحرس الملكي علشان يحبسوني بسبب إني خضيت الأمير واوعدك إني هاخد بالي المرة الجاية

:):):)

تحياتي

MarwaAshraf يقول...

همسة قلم
_________

أختي العزيزة.. هي قطعة أدبية وفقط

شكرا على مرورك وفي إنتظار زياراتك القادمة

:)

MarwaAshraf يقول...

أحمد رفعت
__________

:)

الحزن لم يعد شديد.. كما أنه لا يرتاح كثيرا معي رغم أنه أطال المكوث هذه المرة

والوردة حتفتح.. بس واحدة واحدة علشان النور بيوجع عينها بعد فترة طويلة قضتها في الضلمة

:)

تحياتي وبشدة

MarwaAshraf يقول...

الحلم العربي
_________

my dream

وحشاني أوي .. معلش أنا اسفة إني خذلت توقعاتك وان شاء الله اعوضك ببوست يفرحك قريب

أحبك الله الذي أحببتني فيه يا صابحتي الجميلة

أشوفك على ألف خير

تحياتي

khobayb يقول...

رائع

قلم متميز

وأتوقع لك مستقبلا أدبيا مبهرا

ربما تذكرين كلمتي يوما

:)

تقبلي تحياتي

Unknown يقول...

جميل جدااا

للإكتئاب والحزن مذاقهما الخاص

وقلما نجد من يعبر عنهما ببراعة

احسنتي

أدعوك لزيارة مدونتي

اختك
نور

Wish I were a Butterfly ... يقول...

سلام عليكم

شفت البوست دة من أول ما كتبتيه بس مش كنت عارفة أقول إيه

و لسة مش عارفة
!!!

بس بجد أسلوبك أكتر من رائع ماشاء الله
بجد حلوة أوي أوي القصة القصيرة دي

ربنا يسعدك ياراما الحبيبة

رئيس جمهوريه نفسى يقول...

عارفه احلى ما فى البوست ايه تنقلك برشاقه بين الانفعالات خوف شديد فى الاول ترقب اشد وصراع بين اصياد النوم فى الجزء التانى والحنان والامان مع لمسات الام او تخيلها لمسات الام
بس فى نقطه الابهام بتاع حادث طريق وسكتى ومعرفناش من الضحيه
تحياتى

MarwaAshraf يقول...

خبيب
_________

إنت عارف طبعا إن الشهرة بتغير النفوس فمش عارفه ساعتها حقدر أتذكر كلماتك دي ولا لأ

:):):):)

ربنا يكرمك أوي يا خبيب وشكرا بجد على ثقتك دي.. سعيدة بوجودك

تحياتي

MarwaAshraf يقول...

نور
________

من ناحية إن للحزن مذاق خاص .. فهو فعلا مذاقة خاص جدا .. ربنا مش يوريه لحد أبدا يا نور

أسعدتني زيارتك وياريت مش تكون المرة الأخيرة وحاضر حزور مدونتك ده شرف ليه يا فندم

تحياتي

MarwaAshraf يقول...

Wish I were a Butterfly
_____________________

وعليكم السلام يا بندقتي

مش تقولي أي حاجة خالص.. كلامك بيوصل لو حتى حطيتي تعليق فاضي يا صابحتي

يارب أشوفك دايما سعيدة

(f)

MarwaAshraf يقول...

رئيس جمهوريه نفسى
__________________

ايه التحليل الكبير ده يا سيادة الرئيس ده على الكلام بتاعي ولا بتحلل نص تاني

:):):)

ربنا يكرمك أوي وحمد الله على السلامة .. بالنسبة للنقطة الغامضة أنا كنت سايبها للعقل يستنتجها أو تظل غامضة كما هي

بس على العموم اللي عملت الحادثة هي الأم.. وممكن تقرا النص تاني بعد لما حليت اللغز وتقولي رأيك يعني

شكرا على الزيارة

تحياتي

♥ BaToOoT ♥ يقول...

بيب بيب

انا جه راما

راما كارتون
وبطوط كارتون
ههههههههه
ازيك ياكميل ؟يارب يكون مودك احسن؟
من البوست اللى فات
والبوست ده كمان

روقى ياكمييييل بصى للحلو
فى حااجت كتيره بنسساها لما بنغرق فى الحزن مع انها جمبنا بس ناخد بالنا منا
وجميل اوى تصويرك انا تخيلتها وشفتها بعيونى
بجد يجنن
ربنا يبارك فيكى
خدى بالك منك يااقمر

فى رعايه الله

MarwaAshraf يقول...

بطووووووووووووووط عندنا.. يا مرحبا يا مرحبا

بجد فرحت أوي لما شوفتك

وعارفة أول لما قرات التعليق بتاعك قلت: البنت دي جميلة أوي ما شاء الله وروحها زي السكر.. خليكي كده على طول إوعي تتغيري وخالي بالك منك بارتياع

وعلى فكرة أنا دلوقتي أحسن بكتير والخاطرة هي مجرد قطعة أدبية اتكتبت بقلم لونه أسود ولا تعبر عن أي أحداث جارية يعني
:):)

إني أحبك في الله يا شريكتي الكارتونيه ونوري المدونة دايما

تحياتي